Allt að gerast! :)
Sæl veriði!!
Já.. ég er ekki alveg nógu dugleg að blogga kannski
Allavegana þá er allt að gerast þessa dagana! .. Formlegri kennslu í skólanum mínum er lokið. Það eina sem er eftir er alþjóðlegt próf úr náminu sem er á föstudaginn (14.mars). Ég mun reyndar ekki geta einbeytt mér jafn mikið að því og ég hefði viljað vegna þess að ég er að fara í inntökupróf fyrir leikaradeild LHÍ á laugardagsmorgun (15.mars) kl. 8.15 ..
Þar sem ég ætla loksins að láta drauminn minn rætast um að læra leiklist. Þetta er sem sagt fyrsta þrep og er ég búin að vera að læra 3 texta sem ég valdi mér .. Ég flýg að sjálfsögðu í gegnum öll 3.þrepin sem þarf að komast í gegnum til að fá skólavist 
Það eru sem sagt 125 umsækjendur og af þeim fá að hámarki 10 skólavist... sem sagt ég og 9 aðrir --
Það er alltaf svo erfitt að blogga þegar maður hefur ekki bloggað í langan tíma!
Allavegana þá er búið að velja framlag okkar Íslendinga til Eurovision og ég er mjög sátt! .. This is my life eftir Örlyg Smára (enskur texti: Páll Óskar) í flutningi Friðriks Ómars og Regínu Óskar var valið! Af þeim lögum sem kepptu á úrslitakveldinu var þetta mitt lag!
Hey, hey, hey, ho, ho, ho lagið var svona þeirra helsti keppinautur .. en ég tel að allar þessar auglýsingar og fleira sem var vikuna fyrir keppnina hafi frekar orðið þeim að falli! Grípandi lag samt sem áður .. en tjah .. ég var ekki til í að fá þau út til Serbíu.Mitt lag samt ef ég vel af öllum þeim sem kepptu í undankeppnunum var án efa Haffi Haff með lagið Wiggle wiggle song eftir Svölu Björgvins! Það var geggjað lag og þá í þeim búningi sem það var fyrst (það var atriðið sem ég féll fyrir)
---
Ég er líka komin með fullnaðarskírteini en eins og flest ykkar vita þá fékk ég mér ekki bílpróf fyrr en ég var 19 ára gömul.. þann 10.mars nánar tiltekið! Svo í gær þá missti ég prófið
og eins og hinn týpíski Íslendingur fletti ég upp á Gulu síðunum einhverjum ökukennara og hringdi til að fá tíma.. sem ég og fékk í morgun klukkan 10! Ég keyrði í einhvern hálftíma og hún (já kennarinn var kona) var bara ánægð með mig.. ég er allavegana yfir meðallagi góður ökumaður og alveg svakalega jákvæð fannst henni! Svo ég er að fara til sýslumanns í Hafnarfirði til að fá fullnaðarskírteini ---
Næsta tilhlökkunarefni er svo afmælið hennar Árnnýjar sem er á laugardaginn þar sem við ætlum að djamma af okkur rassinn!
Svo er það út að eta með familíunni á Argentínu 22.mars
29.mars þegar ég held afmælið mitt !! (á samt afmæli 30.mars.. en 29. er laugardagur.. svo ég mun vera að halda upp á það þegar 30. brestur á )
9. apríl þar sem ég fæ að vita að ég er komin inn í leiklistarskólann
18-20.apríl því þá erum við Árnný úti í Köben í tívolíi og djamma með elsku Sigrúnu Yrju okkar
9-16.maí því þá fer ég með mömmu og pabba til Danmerkur sem hjálpari
oooooog
1. - 22.júlí þegar við systurnar förum til Tenerife!!
---
já! skemmtilegir og spennandi tímar framundan hjá undirritaðri!
--
Heyrumst;)
María - Busy!
11. mars 2008 klukkan 11:47
María L. Guðjónsdóttir
María L. Guðjónsdóttir
- Og The Wiggle Wiggle song er best! Fýla það í tætluar.. haha :$